Զամբյուղում ապրանքներ չկան
Ինտերակտիվ գրատախտակ
Դեռևս մի քանի տարի առաջ ինտերակտիվ գրատախտակը գիտության հրաշք էր համարվում, իսկ այսօր ավելի ու ավելի շատ կրթական հաստատություններ են ձգտում ունենալ ինտերակտիվ էլեկտրոնային գրատախտակ, քանի որ այն օգնում է ուսումնական գործընթացները դարձնել ավելի հետաքրիր ու ներգրավող: Ինտերակտիվ գրատախտակներն այսօր օգտագործվում են թե՛ մանկապարտեզներում ու դպրոցներում, թե՛ բարձրագույն և հետբուհական ուսումնական հաստատություններում:
Ի՞նչ է ինտերակտիվ էլեկտրոնային կամ թվային գրատախտակը
Թվային ինտերակտիվ գրատախտակը (որը կոչում են նաև Smart էլեկտրոնային գրատախտակ, սմարթ բորդ, սմարթ գրատախտակ, թվային գրատախտակ, օնլայն գրատախտակ) սենսորային էկրանով վահանակ է, որը միացվում է համակարգչին կամ պրոյեկտորին: Ստացված պատկերները պրոյեկտվում են գրատախտակի վրա, իսկ օգտվողը կարող է աշխատել հենց էկրանի վրա՝ ուղղումներ կատարել, տեքստը ընդգծել և ֆորմատավորել, մեկնաբանություններ թողնել և այլն: Եվ այս ամենն արվում է թե՛ հատուկ գրիչի միջոցով, թե՛ ձեռքով: Սմարթ գրատախտակի ծածկույթն այնպիսին է, որ նրա վրա կարելի է նաև նշումներ կատարել չոր մաքրվող մարկերների միջոցով:
Ինչպե՞ս է աշխատում սմարթ գրատախտակը
Պատկերացրեք մեծ սպիտակ թուղթ, որի վրա հորիզոնական և ուղղահայաց տեղադրված են կետեր, և դրանցից յուրաքանչյուրն ունի իր կոորդինատները: Սա ձևավորում է կոորդինատային համակարգ, որի վրա հեշտությամբ կարելի է որոշել առարկաների գտնվելու վայրը: Երբ մենք մատներով հպվում ենք այդ կետերին՝ սենսորներին, համակարգչին ազդակ է հասնում կոորդինատների վերաբերյալ: Տեղի է ունենում ինֆորմացիայի ակնթարթային փոխանակություն, և էկրանին երևում է փոփոխված պատկերը:
Որո՞նք են թվային գրատախտակի առավելությունները
Թվային գրատախտակի առավելություններն իրականում բավական շատ են, քանի որ այն՝
- ապահովում է նյութի զննականությունը՝ նկարների, սխեմաների, աղյուսակների ու դիագրամների տեսքով.
- թույլատրում է կատարել անիմացիաներ, աշխատել ինֆորմացիայի հետ, փոփոխել պանակները.
- հնարավոր է մեծացնել-փոքրացնել նկարները, աղյուսակները.
- կարելի է գրել թե՛ տպատառ և թե՛ ձեռագիր.
- կարելի է ձեռքով նկարել, ստեղծել գրաֆիկական պատկերներ.
- հնարավոր է աշխատել տեքստի հետ՝ խմբագրել, հատվածներ առանձնացնել, գույները փոփոխել և այլն.
- գրատախտակի վրա արված բոլոր նշումները, նկարներն ու գրվածքները պահպանվում են որպես ֆայլ և կարող են տպագրվել և օգտագործվել հետագայում:
Ե՞րբ է առաջանում թվային գրատախտակի անհրաժեշտությունը
Թվային կամ օնլայն գրատախտակը հիանալի օգնական է հետևյալ իրավիճակերում.
- Շնորհանդեսներ, դասախոսություններ: Նկարները, սխեմաներն ու ուղեկցող տեքստը ավելի պատկերավոր են դարձնում դասախոսությունն ու ելույթը:
- Ռեբուսներ, գլուխկոտրուկներ. հենց գրատախտակի վրա ուսուցիչը կամ աշակերտները կարող են լուծել խնդիրները:
- Պատկերավորում գրաֆիկայի միջոցով. ուսումնական նյութն ավելի պատկերավոր են դարձնում գրաֆիկաները, նկարազարդումները՝ միաժամանակ ներգրավելով լսարանին:
